Hodja é un neno de Pjort, que toma prestada unha alfombra voadora para ver o mundo. A cambio, ten que encontrar e devolver o "diamante" ao seu avó.

O andaluz Antonio Ramos Espello abriu o primeiro cinema de China en 1907. Nas dúas décadas seguintes foi o principal empresario cinematográfico de Shanghai, erixindo un imperio con sedes en Pequín, Hong Kong, Macau, Filipinas e mesmo Australia. Hollywood loitou por acabar co seu dominio a toda costa. Ramos volveu a España e abriu en 1930 o cinema Rialto da Gran Vía. Grazas a este documental, a súa insólita vida e a súa impoñente obra son rescatadas do esquecemento.

Baseado nun feito real. Amparo Pacheco, unha anciá de 86 anos, recibe unha chamada que podería cambiarlle a vida. Actriz desde nena, Amparo percorreu toda España xunto ao seu marido, xa falecido, nunha compañía de teatro ambulante. Quen lle ía a dicir que a estas alturas a chamarían para participar nunha película de Hollywood xunto ao mesmo Bruce Willis. Pero para ela o máis importante será conseguir un autógrafo para a súa neta e fará o que sexa necesario para logralo.

Documental sobre a presenza da muller nos medios audiovisuais, destacando a súa función no cine. O obxectivo é mostrar o traballo das mulleres cineastas e coñecer os seus pensamentos e inquietudes acerca de temas tan diversos como a visibilidade ou o recoñecemento do seu traballo, se existe diferenza no tratamento de historias e personaxes ou as dificultades de financiamento e conciliación da vida familiar. Mediante entrevistas con directoras de cine, actores ou produtores debuxarase un retrato do panorama actual do cine feminino en España.

Durante a Guerra Civil española o actor Errol Flynn decidiu viaxar a España como unha aventura. Nas súas memorias relata que coñeceu a Estrela, o seu amor. O documental é a procura de Estrela e de todas as historias de amor rotas co fin da guerra.

Un director e un guionista discuten sobre se escribir unha escena de suspenso ou de sorpresa. Como o faría Hitchcock, Scorsese ou Tarantino?

Miguel dirixía un dos últimos vídeo clubs que quedaban en Madrid, no barrio da Elipa.

Un cineasta regresa á súa cidade natal para investigar a figura de Antonio López Torres, descoñecido e notable pintor español falecido hai trinta anos. Entre imaxes de arquivo e testemuños actuais ensámblase este cálido crebacabezas, bañado coa luz da meseta castelá.

Luís, un guionista que vive en Madrid e está a piques de ter unha filla, volve a Cocentaina, o pobo onde naceu no interior das montañas de Alacante, para axudar ao seu irmán Kiko e ao seu primo Alberto a escribir un libro sobre a cociña do restaurante da súa familia: L ́ Escaleta, que acaba de obter as dúas Estrelas Michelín e que se atopa entre os mellores 25 restaurantes de España e Portugal. Xuntos inician unha viaxe gastronómica e emocional durante un ano mentres o soño de escribir o libro se converte en realidade.

Entrialgo é unha película documental que recolle o transcurso dun ano nun colexio rural, co fin de reivindicar o papel da educación pública e recoller os últimos vestixios de vida rural en Asturias, mostrando para iso tanto a vida dos nenos tanto na escola como fóra desta.

O bullying desde o punto de vista da familia, dos pais.
O acoso escolar como trasfondo silencioso, terriblemente mudo...
A directora dun colexio cita urxentemente no seu despacho aos pais de dous alumnos: tenlles que comunicar un suceso tráxico que involucra aos dous mozos e que pode ter consecuencias nefastas para todos.
A partir de entón, tres puntos de vista, dous espazos temporais (pasado inmediato / presente) e un suceso irreparable... os berros borrados.

Carlos é un mozo que traballa a desgana no negocio familiar. Unha chamada telefónica do seu pai pedíndolle un favor relativo ao traballo será o inicio dunha intensa conversación telefónica, mostrando a relación de incomunicación que existe entre eles como pai e fillo.

Annachiara vive nos suburbios de Palermo coa súa familia. Quere recuperar ao seu ex noivo. A súa avoa suxire que use un rito antigo que podería salvar o destino do seu amor perdido.

Como en moitos dos fogares suceden situacións de violencia de xénero e por medo non se pide axuda. Este caso é distinto.

Carla castiga ao seu fillo Nacho a quedar no rechán. Cando Pascual, o marido e pai, chega uns minutos despois, o neno desapareceu. O matrimonio inicia unha angustiosa procura por todo o edificio.

Laura esperta de resaca en casa de Lucía. Laura quere saír de alí como sexa, pero Lucía convéncea para que quede a almorzar.

BANI é a historia dunha familia empobrecida pola crise. Unha muller a cargo de tres xeracións non ten outra opción que sacrificar o coelliño que a súa neta ten como mascota para que a nena poida comer algo de proteína. A única testemuña é a bisavoa, que observa en silencio sen poder intervir. Cando a nena chega á casa, busca a Bani a través dos escuros corredores da casa, mentres a súa avoa prepara a cea.

Un cemiterio case sempre é un lugar tranquilo, aínda que tamén se pode converter no escenario perfecto onde atopar personaxes rocambolescos. Así́ pois, unha plácida mañá de visita a un familiar defunto acabará nunha estrañísima situación.

Carlota, unha muller madura, esperta dentro dunha cámara frigorífica da morgue. Hai pouco que morreu. De súpeto, escoita a voz dun home que lle fala desde a cámara de arriba. Ambos, mortos, manteñen unha breve conversación na que Carlota experimentará unha viaxe ao seu interior. Aos poucos vanse coñecendo e descubrindo que a morte che pode facer ver a vida doutra maneira.

En galego, devalar significa “o paso do tempo sobre as cousas”. Esta curta é o retrato dun pobo costeiro á beira do Atlántico que se debuxa con recordos da infancia da directora. Homenaxe ao costumismo galego pero dun modo poético e visual.
Existe esa conexión física co mundo no que nacemos ou eliximos para vivir; trátase en realidade de persoas que escollen ou que renuncian, que converten nunha ruína a súa vida, que elixen traer os recordos á vida presente e vivir deles...
A infancia como primeiro recordo.

César é un home en paro de 40 anos. Está casado con Sara e teñen unha filla de dous anos. Xa hai tempo que Sara é quen mantén economicamente a familia co seu soldo de perruqueira e trata de apoiar a César para sacalo da súa rutineira vida. Pero algo sucede no interior de César que fai cambiar o rumbo de vida.

Ano 1973. Uruguai está baixo o poder da ditadura militar. Unha noite de outono, nove presos Tupamaros son sacados das súas celas nunha operación militar secreta. A orde é precisa: "como non puidemos matalos, ímolos volver tolos". Os tres homes permanecerán illados durante 12 anos. Durante máis dunha década, os presos permanecerán illados en diminutas celas onde pasarán a maioría do tempo encapuchados, atados, en silencio, privados das súas necesidades básicas, apenas alimentados, e vendo reducidos ao mínimo os seus sentidos.

En 1957, Homer Hickam, que vive na pequena cidade mineira de Coalwood, sabe, como todos os mozos, que acabará traballando nas minas de carbón. Non poderá eludir ese destino porque el non ten o talento do seu irmán para o fútbol americano. Pero, cando o satélite soviético Sputnik atravesa o ceo de outubro, todo cambia. Homer e os seus amigos deciden fabricar un foguete e, a pesar dos fracasos iniciais, logra convencer a todos de que mesmo en Coalwood se pode soñar coas estrelas e a carreira espacial.

Holy Boom é unha longametraxe dramática con múltiples liñas de historia, que ten lugar nunha área multicultural de Atenas durante a Pascua ortodoxa.
As vidas de catro estraños, que viven na mesma veciñanza, cambian dramaticamente cando, o Domingo de Ramos, a caixa de correos da veciñanza é destruída, para botar unhas risas, polo adolescente filipino Ige. Destruíronse documentos de vital importancia para todos: as calcomanías de LSD de Lena e Manou, unha carta a Thalia do seu fillo abandonado e o certificado de nacemento de Adia.