Despois de que a súa nave queda reducida a cinzas, o mozo Willy perde o contacto cos seus pais, cos que viaxara a través do espazo. A súa cápsula aterra nun planeta salvaxe a inexplorado. Coa axuda de Buck, un robot de supervivencia, Willy trata de salvagardarse ata que alguén acuda no seu rescate. Mentres tanto, tanto el como Buck e un novo amigo alieníxena chamado Flash descobren a flora e a fauna do planeta... e algúns dos seus múltiples perigos.

Marcos (Darín) e Ana (Morán) levan casados máis de 25 anos, pero ambos entran nunha crise existencial que os leva a separarse. Ao principio a vida de solteiros parécelles fascinante e excitante pero pronto se torna tamén monótona para ela e un pesadelo para el.

Neïla Salah é unha moza do arrabalde parisiense que soña con ser avogada. Matriculouse na facultade de Dereito máis importante de París, pero o primeiro día de clase ten un enfrontamento con Pierre Mazard, un profesor algo conflitivo. Para redimirse, o profesor propón a Neïla axudala a preparar unha importante proba a nivel nacional. Aínda que cínico e esixente, Pierre sería a axuda ideal que Neïla está a necesitar pero para iso terán que empezar os dous por superar algúns prexuízos.

Desde que se coñeceron, Rosa e Honorio pactaron coas súas almas non separarse xamais, nin sequera cando houbese motivos para facelo. Trinta anos despois a policía acusa a Rosa de matar a Honorio queimándoo no patio da súa casa. Rosa defende a súa inocencia, xura que Honorio morreu só sen que ninguén llo impedise. Nas súas palabras non hai nada claro, nin certo nin verdadeiro.