Nunha pequena casa illada nunha costa remota, ao lado dun mar violento, vive Amancio coa única compañía de Elvira, a súa nai. Amancio é un home de mediana idade coa mente dun neno pequeno. Cariñoso e imaxinativo, os seus días van pasando mentres a súa obsesiva nai o sobreprotexe cun incestuoso e malsán amor/odio. O único contacto que mantén con outras persoas é con Iria, unha moza educadora social do Estado da que está inocentemente namorado, e con Pedro, un vello pescador experimentado, que parece ser o único ser humano que vive na zona.

Sira, unha nena de 8 anos, escapa do colexio tras unha pelexa e corre coa súa mochila ao ombro por unha solitaria estrada da Costa da Morte.
Chega a unha praia deserta buscando ao seu pai, un mariscador furtivo adicto á heroína. Alí non hai ninguén, pero atopa as súas roupas nunha barca varada na area.

Como de costume, un neno observa escondido ao seu pai descargar tabaco de contrabando na metade da noite. Pero esta noite non é tabaco.

Beautiful boy é unha comedia negra sobre a importancia do noso legado, a pegada que deixaremos no mundo. En ocasións, o consumismo contamina as nosas intencións e erroneamente consideramos que somos o que temos.
Andrés é unha desas persoas. Dedica a súa vida a coleccionar cousas de forma rutineira. Todo cambia cando descobre que a súa última colección complétase coa súa morte.

A incapacidade de Xosé para aceptar a nova realidade da súa vida empúxao nunha espiral de auto destrución. Crítica social á violencia de xénero.

Cinco amigas, unha festa de disfraces. O imperativo do convite, que os disfraces sexan de animais. A noite revélase xa como unha xungla. Para Clara, a festa rematará pronto ao ter que enfrontarse a unha situación que leva tempo esperando e o resto de compañeiras non tardarán en facer propio o conflito. Un debate que deixa de ser dunha soa e se volve colectivo, creando entre todas unha nova historia.
Unha curta que fala da necesidade de resposta, da amizade e dos silencios que deixan de selo mediante tomas de posición políticas.

Unha muller e un home follan. El goza. Ela é como se non estivera alí. Acaban e el durme, entón ela vístese, colle as chaves e o carné de identidade do home e marcha do apartamento. Fóra a noite esculpe unha cidade chea de segredos.

Iria ten 8 anos. A súa nai, Ana, fálalle das “mouras” nun paseo polo bosque pero Iria é o suficientemente maior para saber que non existen. Pero pode que se equivoque.

Víctor decide borrar as 19998 fotos do seu móbil e comezar de novo. Para iso emprende unha viaxe na que busca romper coa súa vida anterior.

Memoria na pedra fala dos últimos días de vida útil dun lugar tan singular como esquecido: o lavadoiro termal da cidade de Ourense, un emprazamento cun innegable valor estético, etnográfico e social que está a piques de desaparecer baixo a piqueta. O derradeiro retrato dun lavadoiro que aínda no século XXI é empregado por diferentes persoas que fan de ollos e voz dun oficio ancestral e dun espazo máxico.