Sinopsis
Ramón Sender Barayón, compositor pioneiro de música electrónica, artista e escritor, naceu en Madrid en 1934. O seu pai era Ramón J. Sender, un dos escritores españois máis importantes do século XX; a súa nai, Amparo Barayón, era unha muller adiantada á súa época. A Guerra Civil española marcaría o destino desta familia para sempre.
Esta película é unha viaxe polo século XX da man de Ramón e a súa memoria. Desde a España da Guerra Civil, a represión e o exilio, ata a asollada California da contracultura, os anos dourados do rock, a psicodelia e os hippies.
