Sinopsis
Cando Robert Kearns (Greg Kinnear) se decata de que todos os coches veñen equipados cun sistema de limpeza que el inventou e patentou, pero que non conseguiu vender, interpón unha demanda contra a industria do automóbil por apropiación indebida. Os Kearns son a típica familia americana dos anos sesenta que vive á súa maneira o soño americano: Bob, profesor universitario, casou con Phyllis ( Lauren Graham) e tiveron seis fillos antes de cumprir os corenta. Co invento de Bob, os Kearns creron que poderían mellorar a súa situación económica, pero as súas esperanzas malográronse. Cando Bob emprendeu unha longa batalla legal contra os magnates do automóbil e empezou a recibir ameazas, converteuse nun home disposto a demostrar que o xusto era que o traballo de toda unha vida fose recoñecido por quen se beneficia del.
