Carmen López, quizais a primeira baterista de España titulada, percorreu os pobres escenarios dos pobos de España nos anos 50 como membro da ORQUESTRA HARMÓNICA. Trinta anos despois Esther Lafuente apaixonouse por un instrumento dentro dun contexto que nada ten que ver co da mocidade de Carmen e pouco co de Alba Villarig, compoñente de Lady Banana que xunto con Nerea Bo, ábrense hoxe camiño no mundo da música.

Andrea Motis é unha trompetista silenciosa, unha asociación de ideas difíciles de conxugar, como a súa maneira de transitar por un mundo, onde a fama é un valor máis prezado que o éxito profesional. Unha película sobre cambios vitais, medos, contradicións e jazz, moito jazz.

O bullying desde o punto de vista da familia, dos pais.
O acoso escolar como trasfondo silencioso, terriblemente mudo...
A directora dun colexio cita urxentemente no seu despacho aos pais de dous alumnos: tenlles que comunicar un suceso tráxico que involucra aos dous mozos e que pode ter consecuencias nefastas para todos.
A partir de entón, tres puntos de vista, dous espazos temporais (pasado inmediato / presente) e un suceso irreparable... os berros borrados.

Entrialgo é unha película documental que recolle o transcurso dun ano nun colexio rural, co fin de reivindicar o papel da educación pública e recoller os últimos vestixios de vida rural en Asturias, mostrando para iso tanto a vida dos nenos tanto na escola como fóra desta.

Adan é un neno que non entende por que ninguén se dá conta que é unha nena. A súa familia non entende que é o que lle ocorre. No tránsito, Sofía, ten que enfrontarse a unha sociedade con moitas barreiras e prexuízos.

Defiant Lives é a historia non contada de como o movemento polos dereitos da discapacidade nos Estados Unidos, Gran Bretaña e Australia literalmente cambiou o mundo no que vivimos.
A película conta con entrevistas con máis de 30 dos principais activistas dos últimos 40 anos, ademais de máis de 600 pezas de imaxes de arquivo e fotografías procedentes de todo o mundo. A historia está apoiada por unha conmovedora banda sonora, que coloca fortemente ao público emocionalmente no corazón da acción.