En 1957, Homer Hickam, que vive na pequena cidade mineira de Coalwood, sabe, como todos os mozos, que acabará traballando nas minas de carbón. Non poderá eludir ese destino porque el non ten o talento do seu irmán para o fútbol americano. Pero, cando o satélite soviético Sputnik atravesa o ceo de outubro, todo cambia. Homer e os seus amigos deciden fabricar un foguete e, a pesar dos fracasos iniciais, logra convencer a todos de que mesmo en Coalwood se pode soñar coas estrelas e a carreira espacial.

Cando Robert Kearns (Greg Kinnear) se decata de que todos os coches veñen equipados cun sistema de limpeza que el inventou e patentou, pero que non conseguiu vender, interpón unha demanda contra a industria do automóbil por apropiación indebida. Os Kearns son a típica familia americana dos anos sesenta que vive á súa maneira o soño americano: Bob, profesor universitario, casou con Phyllis ( Lauren Graham) e tiveron seis fillos antes de cumprir os corenta. Co invento de Bob, os Kearns creron que poderían mellorar a súa situación económica, pero as súas esperanzas malográronse.

Chris Gardner (Will Smith) é un vendedor brillante e con talento, pero o seu emprego non lle permite cubrir as súas necesidades máis básicas. Tanto é así que o acaban botando, xunto ao seu fillo de cinco anos (Jaden Smith), do seu piso de San Francisco, e ambos non teñen ningún lugar ao que ir. Cando Gardner consegue facer unhas prácticas nunha prestixiosa firma que traballa na bolsa, os dous protagonistas terán que afrontar moitas adversidades para facer realidade o seu soño dunha vida mellor.

En 2001, Billy Beane (Brad Pitt), director xeral dos Atléticos de Oakland (béisbol), fíxose famoso ao conseguir grandes éxitos por medio do método " Moneyball", programa que consiste en construír un equipo competitivo con menos recursos económicos que a maioría dos equipos das Grandes Liga, empregando métodos estatísticos por computador para coordinar aos xogadores.

Neïla Salah é unha moza do arrabalde parisiense que soña con ser avogada. Matriculouse na facultade de Dereito máis importante de París, pero o primeiro día de clase ten un enfrontamento con Pierre Mazard, un profesor algo conflitivo. Para redimirse, o profesor propón a Neïla axudala a preparar unha importante proba a nivel nacional. Aínda que cínico e esixente, Pierre sería a axuda ideal que Neïla está a necesitar pero para iso terán que empezar os dous por superar algúns prexuízos.